ചാണ്ടിമാർ വെറും ചണ്ടികളായി തീരുന്നതല്ല കേരളത്തിന്റെ വിഷയവും വിഷമവും

ഇതു വെറും പേരുദോഷം മാത്രമല്ല,  ചാണ്ടികളുയർത്തുന്നത് ചാവദോഷങ്ങൾ കൂടിയാണ്.  ഒരാൾ കായൽ നികത്തിയെങ്കിൽ മറ്റെയാൾ ഒരു പെണ്ണിനെ ‘നിലത്തിരുത്തിച്ചു ‘! രണ്ടും നാറിയ കഥകൾ തന്നെ.  അല്ലെങ്കിലും ചണ്ടികളെന്നാൽ നാറുന്നതാണെന്നു തിരിച്ചറിയാൻ പലരും ആദ്യം ശ്രമിക്കാറില്ല.  നാറ്റം പെരുകി വരുമ്പോഴാണ് പലരും മൂക്കു പൊത്തുന്നതും വാലിൽ തൂക്കിയെടുത്തെറിയുന്നതും.  ആ നാറ്റക്കഥകൾക്കിടയിൽ നാട്ടിലും വീട്ടിലും  നറുമണം പരത്തിയിരുന്ന പലരും പാതാളം മുട്ടെ മുങ്ങിത്താഴുന്നത് വാർത്തയല്ലാതായി തീരും.  കൃത്യം ഒരു മാസത്തിനു മുമ്പു നമ്മളിൽ പലരും പരതിയ ഒരു വാർത്തയുണ്ടായിരുന്നു.  ഒരു മലയാളി ക്യാപ്റ്റൻ നയിച്ച കപ്പൽ ഫിലീപ്പിൻസ് കടലിൽ മുങ്ങിപ്പോയ വാർത്ത.  ഒരു മാസം പിന്നിടുമ്പോൾ ആ സംഭവം ഇന്നും തിരിച്ചു വരാത്തവരുടെ കുടുംബങ്ങളുടെ മാത്രം നൊമ്പരവും…

"ചാണ്ടിമാർ വെറും ചണ്ടികളായി തീരുന്നതല്ല കേരളത്തിന്റെ വിഷയവും വിഷമവും"

പിണറായിയെ പിടിച്ചുകെട്ടുക കടന്നപ്പള്ളിയെ കടന്നാക്രമിക്കുക, വിഴിഞ്ഞത്തെ വിഴുങ്ങാതെ വിടുക

ഒരാധുനീക കാലത്തിലോട്ടു കേരളം കടന്നു തുടങ്ങി എന്നു തോന്നിക്കുന്ന ദിവസങ്ങളിലൂടെ സഞ്ചരിച്ചു  വരുന്നതിനിടയിൽ പെട്ടെന്നൊരു ബ്രേക്കിട്ടു കേരള വണ്ടി നിന്നിരിക്കുന്നു.  അധികമാരും അറിയാതെ പോയ ആ ബ്രേക്ക് ചവിട്ടു കേരളത്തിന്റെ ഭാവിക്കേൽപ്പിക്കുന്ന ക്ഷതം ചില്ലറയല്ല.  അതിന്റെ പ്രത്യാഘാതങ്ങൾ മനസ്സിലാക്കിയവർ സെക്രട്ടറിയേറ്റിന്റെ മുമ്പിൽ ഒത്തുകൂടി ഇന്നലെ ഒരു സൂചനാ സമരം നടത്തി. കേരളപ്പിറവി ദിനത്തിൽ ‘കേരളം’ പിറന്നിട്ടില്ലായെന്ന മുദ്രാവാക്യം ഉയർത്താൻ പ്രേരിപ്പിച്ചതായിരുന്നു കഴിഞ്ഞ കുറച്ചു ദിവസങ്ങളായി വിഴിഞ്ഞത്തെ ചെറിയ ഒരു വിഭാഗം ആളുകൾ നടത്തിവരുന്ന സമരം.  കഴിഞ്ഞ കാൽ നൂറ്റാണ്ടു കാലമായി കേരളീയർ ഒന്നടങ്കം ആവശ്യപ്പെട്ട് ഒടുവിൽ 2015 ഡിസംബർ അഞ്ചാം തിയതി നിർമ്മാണം ആരംഭിച്ച പദ്ധതിയുടെ പുരോഗതി നാട്ടുകാർ കണ്ണിലെണ്ണയൊഴിച്ചു വീക്ഷിക്കുകയായിരുന്നു.  ഏകദേശം പദ്ധതി പൂർത്തിയാകാൻ 310…

"പിണറായിയെ പിടിച്ചുകെട്ടുക കടന്നപ്പള്ളിയെ കടന്നാക്രമിക്കുക, വിഴിഞ്ഞത്തെ വിഴുങ്ങാതെ വിടുക"

അമ്പത്തിയാറിഞ്ചു കൊണ്ടു ആ ഗോളോ ഇ ഗോളോ അടിക്കാൻ കഴിയില്ല !

സ്വച്ഛ് ഭാരതം തുടങ്ങി സ്വസ്ഥതയില്ലാത്ത ഭാരതം വരെയുള്ള വിവിധ കലാപരിപാടികൾക്കൊടുവിൽ നൂറിൽ നൂറു ‘മാർക്കു’ വാങ്ങി മുന്നേറുന്ന ഒരു സർക്കാരാണ് കേന്ദ്രം വാഴുന്നത്.  വിമാനത്തിൽ നിന്നിറങ്ങാൻ നേരം കിട്ടാത്തത് കൊണ്ടാകാം പ്രധാന മന്ത്രിക്ക് മണ്ണിൽ നടക്കുന്ന കാര്യങ്ങൾ മനസ്സിലാക്കാൻ കഴിയാതെ പോയി.  തന്റെ ഡിജിറ്റൽ വളർച്ച മണ്ണിൽ എത്താതെ തലയ്ക്കു മുകളിലൂടെ കടന്നു പോകുന്നു എന്നതാണ് ഒടുവിലത്തെ കാഴ്ച.  ആ കാഴ്ച നേരിട്ടു കാണാൻ നിയോഗിക്കപ്പെട്ട അദ്ദേഹം അതിനു നിമിത്തമായ ലോക ഫുട്ബാൾ മേളക്ക് തുടക്കം കുറിക്കുകയും ചെയ്തു. ഒരു മാധ്യമ പ്രവർത്തകൻ എന്ന നിലക്ക് ഇന്ത്യ ഇത്തരം നാണം കെടുന്ന ലോക വേദികളിൽ ചെന്നു നാറരുത് എന്നു പല ആവർത്തി ചൂണ്ടിക്കാട്ടിയിട്ടുണ്ട്. വാസ്തവത്തിൽ ഇതു കുട്ടിക്കുരങ്ങന്മാരെക്കൊണ്ട്…

"അമ്പത്തിയാറിഞ്ചു കൊണ്ടു ആ ഗോളോ ഇ ഗോളോ അടിക്കാൻ കഴിയില്ല !"

വയലാർ അവാർഡ് നേടിയിട്ടും വിഴിഞ്ഞം വിഖ്യാതമാകാതെ പോയി !

സുഗന്ധി എന്ന ആണ്ടാൾ ദേവ നായകിയുടെ കഥ പറഞ്ഞ ടി ഡി രാമകൃഷ്ണൻ വയലാർ അവാർഡു ജേതാവാകുമ്പോൾ സന്തോഷിക്കുന്ന നമ്മൾ,  ദേവനായകിയുടെ തറവാടു തട്ടകം തകർന്നു കിടക്കുന്നതിൽ ആരെങ്കിലും വേദനിക്കുന്നുണ്ടോ ? രാമകൃഷ്ണനോട് ഒടുങ്ങാത്ത ആദരവുണ്ടെങ്കിലും തകർന്നു പോയ തറവാടിനെക്കുറിച്ചോർക്കുമ്പോൾ ചങ്കൊന്നു പിടഞ്ഞു പോകുന്നു.  കാരണം തോറ്റു തുന്നം പാടുന്ന ഒരു രാജ്യത്തിന്റെ പതർച്ചയുടെ തുടർച്ചയായ കാരണങ്ങൾ നാം പഠിക്കാതെ പിന്നെയും പലരും ‘മോടി’ നടിക്കുന്നു.   ഏറ്റവും ഒടുവിൽ പ്രധാന മോടിക്കാരനായ സാക്ഷാൽ നരേന്ദ്ര മോദിയെ സാക്ഷി നിർത്തി അമേരിക്കൻ അജാനു ബാഹുക്കൾ ഇന്ത്യൻ കോട്ടയിലോട്ടു മൂന്നു ഗോളുകൾ നിറയൊഴിക്കുമ്പോൾ നമ്മുടെ തോൽവി തുടരുന്നു എന്നു മാത്രമേയുള്ളു. പക്ഷെ നമ്മൾ തോൽക്കാൻ നേരത്തെ തീരുമാനിച്ചവരാണ്.  ലോകത്തിലെ…

"വയലാർ അവാർഡ് നേടിയിട്ടും വിഴിഞ്ഞം വിഖ്യാതമാകാതെ പോയി !"